|
Գավառի պետական համալսարանի Իրավաբանական կլինիկան հիմնադրվել է 2003 թ. դեկտեմբերին ` Ամերիկյան իրավաբանների ընկերակցության CEELI Inc.-ի հայաստանյան գրասենյակի /ABA CEELI/ աջակցությամբ:
Իրավաբանական Կլինիկայի գործունեության նպատակն է`
- Նպաստել իրավաբանական կլինիկայի ուսանողների գործնական հմտությունների զարգացմանը,
- Անվճար խորհրդատվություն մատուցել Գեղարքունիքի մարզի ազգաբնակչությանը,
- Բարձրացնել հասարակության իրավական գիտելիքների մակարդակը` այդ նպատակով կազմակերպելով քննարկումներ,
վերապատրաստման դասընթացներ, կլոր սեղաններ, սեմինարներ, հանդիպումներ:
- ԻԿ գործունեության հիմնական ուղղություններն են.
- Կանանց և երեխաների իրավունքների և ազատությունների ուսումնասիրությունը և ինտերակտիվ մեթոդների կիրառմամբ
ուսուցումը,
- Կանանց և երեխաների իրավունքների վերաբերյալ անվճար իրավաբանական խորհրդատվության մատուցումը,
- Կանանց և երեխաների իրավունքների և օրինական շահերի պաշտպանությունը,
- Կանանց, երեխաների և սոցիալապես անապահով անձանց իրենց իրավունքների մասին իրազեկումը:
Կլինիկայի գործունեության սկզբունքներն են`
- Մարդասիրություն
- Օրենքների գերակայություն
- Մարդու իրավունքների և ազատությունների պաշտպանություն
- Իրավաբանական խորհրդատվության մատչելիություն և անհատուցելիություն
- Կամավորություն
- Օբյեկտիվություն
- Համագործակցություն, փոխօգնություն
- Ստացված տեղեկության գաղտնիություն
- Բարոյական նորմերի, վարքագծի կանոնների պահպանում:
Կլինիկայի հաճախորդներն են.
1. Կանայք` միայնակ, գործազուրկ, հաշմանդամ, թոշակառու, բազմազավակ և այլն,
2. Երեխաները` ծնողազուրկ, միակողմանի ծնողազուրկ, հաշմանդամ և այլն,
3. Սոցիալապես անապահով և անվճար իրավաբանական խորհրդատվության կարիք ունեցող անձիք,
4. Յուրաքանչյուր ոք, ով կարող է լինել Կլինիկայի հաճախորդ` համաձայն ԻԿ կանոնադրության:
Գործերն ընդունելիս հաշվի են առնվում հետևյալ գործոնները.
- Հաճախորդը պետք է լինի շահառու կին, երեխա,
- Հաճախորդը պետք է լինի սոցիալապես անապահով խավի ներկայացուցիչ,
- Կլինիկայի ընդունած գործը պետք է համապատասխանի կլինիկայի նպատակներին և խնդիրներին,
- Հաճախորդը պետք է իր համաձայնությունը տա գործը կլինիկայում քննարկելու համար,
- Կլինիկայի կանոնադրությամբ նախատեսված այլ դեպքեր:
Իրավաբանական կլինիկայում գործը կարող է չընդունվել, եթե.
1. Հաճախորդն արդեն դիմել է այլ կազմակերպության կամ իրավաբանի, և գործն ընթացքի մեջ է:
2. Հաճախորդի շահերը հակասում են այն անձանց շահերին, ովքեր կլինիկայի հաճախորդներն են:
3. Հաճախորդների շահերը հակասում են ԳՊՀ-ի աշխատակիցների, կլինիկայի ուսանողների, կլինիկայի անդամների և նրանց
բարեկամների շահերին,
4. Հաճախորդների շահերը հակասում են իրավաբանական կլինիկայի հետ համագործակցող այլ կազմակերպությունների շահերին:
Հիշեք.
Կլինիկայի ուսանողները հատուկ խորացված դասընթաց են անցնում նախքան ընդունելություն կազմակերպելը, եւ այդ դասընթացները անցկացնում են փորձառու իրավաբաններ և փաստաբաններ:
Ուսանող-խորհրդատուն աշխատում է դասախոսի /փաստաբանի/ անմիջական հսկողության ներքո:
|
